Programet mësimore të parashkollorit janë programe të miratuara nga Ministria e Arsimit,Sporteve dhe Rinisë. Në zbatim të këtyre programeve tregohet kujdes i  veçantë, që të gjitha linjat e zhvillimit gjuhësor, të komunikimi, të menduarit, lidhja e tingujve me shkronjat, të shkruarit, veprimtaritë praktike për njohjen e shkronjave, ku për të cilat u duhet të numërojnë, të qarkojnë, të flasin për qëllime të ndryshme, të vizatojnë, ngjyrosin, të shkruajnë grafikun e shkronjave të shtypit,  të përvetësohen natyrshëm nga fëmijët.

Programi i mësimdhënies parashikon një organizim në pesë fushat e të nxënit.
Ky organizim i lejon mësuesit të identifikojë të nxënit dhe t’i zbatojë ato në klasë. Secila nga këto pesë fusha është thelbësore për zhvillimin e fëmijës dhe duhet të zbatohen çdo ditë.
Programi përcakton,për fushë të të mësuarit, një përkufizim të përgjithshëm, objektivat si edhe jep udhëzime pedagogjike për të ofruar dhe për të siguruar progresin e të nxënit.

1. Të përdorë gjuhën në të gjitha dimensionet
2. Të reagojë, të shprehet, të nxërë nëpërmjet veprimtarive
3. Të veprojë,të shprehet, nëpërmjet veprimtarive artistike
4. Të ndërtojë për të formuluar mendimin e tij
5. Të eksplorojë botën